Mazinkojiganan zhiwe Onashowewinike Giigidowigamig

Owi Onashowewinike Giigidowigamig digosinoon gmaaming newen mamaazinaag mtig mazinkoojiganan. Ombinigaadeg owi gichi mewizha apii gichi agaaming wiigwaaman zhichigaadeg, mazinibiiganan gewe wiindigoog miinwaa aansoke manidoshag e’nenjigaaziwaad awii ngoji naashkowaa-aad maji-manidoog, epiichi Makodewiikoniyewin kidiwinan ozhibiigaademigag zhiwe bedkisinajig gagaandinigaadeg nishingh bimaakinigewin. Owi mazinkoojigan newen Nishwaaswi Miishomis Gikinomaagewinan wiijji tenoon nindan miinwaa naabidad aawong gagige makowaamchiganan owi mewizha izhi bimaadiziwin gewe Giizhaa agaa Yaajig Bemaadizijig zhiwe Ontario, miinwaa age gikinowaajinaagwog newen oshki wiijibiziwinan miinwaa zhisewinan e’gagaandinigaadeg nongo.