Owi bimaadiziimigag owi Mazinkoojigan

Garrett Nahdee agii zhiibaashkaa niibna aanjitoong owi mazinkoojigan jibwa agii minwendang owi ekwaa mazinkoojigan etemigag zhiwe Onashowewinike Giigidowigamig nongo. Waabmdowem maampii owi bezhig wiiba mazinibiiganan. Gechi ayaawong, owi bkaan biitwi owi ezhishinowaad gewe wesiinig biitwi owi wiiba mazinibiigan miinwaa owi gaashichigaadeg mazinibiigan.

 

Dibishko gichi niibna aanin bkaan mazinkojiganan zhiwe Onashowewinike Giigidowigamig, owi Nishwaaswi Miishomis Gikinomaagewinan ozhichigaademigad nikaazang gaawaandag. Gikenjigaadeg owi misko-zaawaandeg, gaawaandag adaa-aan gagwekaag, biisaag, miinwaa dibishko mazinaag owi aawong zoongag miinwaa wenipanag awii mookijigaadeg. Owi dash, agii aabaji aawon bezhigenjigaadeg mitig gewe mazinkoojigejig owi zhitoong taaswinan miinwaa aabajichiganan. Gdaa waabmdaanaa owi maajitaawin owa Mr. Nahdee ado gaawaandag mazinkojigewin zhiwe mazinaaziganing.

 

Owi eni piichitaangh, Mr. Nahdee agii gagwejimaa awii mazinkodang gikinwaabmjigan owa bezhig gewe wesiinig. Agii wenaabmaan owa migizi zaam, ezhi wiindamaaged, owa migizi gikinwaajichigan “owi jichaag owi Zaagidiwin. Zhiwe owa bemaadizid bamiyaad bimaadiziwin owi Zaagidiwin, ada gashkitoon Minaadendamowin, miinwaa owi zaagidiwin ada minaadenimaan bekaanzijig.”

 

Apii owi mazinkoojigan agii giizhichigaadeg, owi ekwaa zhichigewin agii aawon awii tisangh owi gaawaandag awii digwaandeg newen bkaan mookodaasowinan zhiwe Onashowewinike Giigidowigamig. Agii gashkichigaademigad shkwaa gechi zinagag zhichigewin owi gajitoong-miinwaa-bimaazhiiwin awii makigaadeg owi gagwek aandemigag age gikinwaabmjigaadeg owi epiitiziimigag miinwaa onaademigag newen bkaan mazinkoojiganan.